MADHURAVANI  TELUGU MAGAZINE

కోసూరి ఉమాభారతిగారు నాట్యకళ ద్వారా స్వచ్చంద సమాజసేవకి అంతర్జాతీయంగా కూడా గుర్తింపు, అవార్డులు పొందారు. చలన చిత్రాల్లో నటించి,  నృత్య సంబంధిత చిత్రాలని నిర్మించి, దర్శకత్వం వహించారు.

శాస్త్రీయ నృత్య సంబంధిత వ్యాసాలతో పాటు,  పలు నృత్యరూపకాలు రచించి దేశవిదేశాల్లో ప్రదర్శించిన ఉమాభారతిగారు గత రెండేళ్లగా ప్రవాసాంద్రుల జీవన విధానాన్ని ప్రతిబింబించే వ్యాసాలు, కుటుంబవ్యవస్థలోని మానవ సత్సంబంధాలు ఇతివృత్తంగా పలు రచనలు చేసారు. ఆమె  చేసిన  నృత్యేతర రచనలు యాభైకి పైగా పలు పత్రికల్లో  ప్రచురించబడ్డాయి.

వంగూరి ఫౌండేషన్, USA వారి ఉగాది ఉత్తమ రచన పురస్కారం అందుకున్నారు. ‘విదేశీ కోడలు’ కథాసంపుటి, ‘ఎగిరే పావురమా!’ సాంఘిక నవల ప్రచురించబడ్డాయి. ‘రాజీ పడిన బంధం’ నవలగా ప్రచురించబడగా, గో-తెలుగు సాహిత్య వార పత్రికలో ‘వేదిక’, ఆంగ్లంలో ‘The Lady who talks too much’ ధారావాహికలుగా  ప్రచురించబడి చదువరుల ఆదరణ పొందిన ఇతర రచనలు.